Partizani i ka bërë një nder rivales historike Dinamo, duke frenuar në barazim 1-1 Besëlidhjen. Një javë më parë, të kuqtë e rikthyer në Superiore, u treguan më zemërgjerë me Kamzën, ndërkohë që dje nuk i kanë lejuar fitoren skuadrës lezhjane, e cila luan për të mos rënë në Kategorinë e Dytë. Miqtë shënuan të parët, por Partizani barazoi në minutën e 74-t, me Tushen. Edhe Dinamo ka barazuar, por pa gola, në Fushë Krujë, përballë Ilirisë që është rival direkt në luftën për mbijetesë. Takimi ka qenë i tensionuar, pasi vendasit kërkonin me çdo kusht fitoren, duke kërkuar edhe një penallti, ndërkohë që gjyqtari Jemini ka menduar ndryshe. Tani gjithçka do të vendoset në javën e fundit, ku blutë presin Pogradecin, ndërsa Iliria luan me Besëlidhjen në Lezhë. Aktualisht, lufta bëhet për dy vende, pasi Naftëtari dhe Gramshi e kanë prerë biletën për në Kategorinë e Dytë. Të rrezikuara janë shumë skuadra, por Besëlidhja ka 35 pikë, ndërsa Dinamo, Iliria e Butrinti nga 37. Në javën e parafundit, të zhvilluar dje, pati tri fitore të skuadrave udhëtuese, gjë e rrallë në këtë kategori, si dhe humbja e Lushnjës në një takim “pjellor” me Kamzën, fituar 5-3 nga kjo e fundit.
Kategoria e Parë
JAVA E 29-të
Partizani – Besëlidhja 1-1
Tushe 74′ / Merdakoviç 27′
Kamza – Lushnja 5-3
Maho 13′, 53′, Bytyçi 44′ (p), Gjoka 67′, Kënga 85′ / Çanka 28′, 56′, Metushi 34′
Naftëtari – Ada 1-3
Alushi 78′ (p) / Jaçaj 41′, Puka 70′, Doçi 76′
Himara – Butrinti 1-0
Gjondeda 60′
Gramshi – Elbasani 2-3
Koçi 5′, Latifi 87′ / Dalipi 45′ (p), Duka 50′, Gava 70′
Mamurrasi – Tërbuni 2-1
Metaj 40′, 65′ / Jevdjeviç 44′
Pogradeci – Burreli 2-3
Turshinka 7′, Çekiçi 10′ / Lekaj 37′, Mëllugja 54′, Pjetrani 63′
Iliria – Dinamo 0-0
Renditja
1 Lushnja 65
2 Partizani 55
4 Mamurrasi 43
3 Pogradeci 42
5 Tërbuni 40
6 Ada 40
8 Elbasani 40
9 Kamza 40
11 Himara 39
13 Burreli 39
10 Dinamo 37
7 Butrinti 37
12 Iliria 37
14 Besëlidhja 35
15 Gramshi 31
16 Naftëtari 20