Një banor i Dibrës ka lajmëruar në polici se të shtunën nga ora 19: 30 deri në orën 3 pas mesnate, në shtëpinë e tij kanë hyrë një apo më shumë hajdutë.
Sipas tij, ata kanë vjedhur nga dhoma e fjetjes 10.800 euro, 250.000 denarë (mbi 4 mijë euro) dhe stoli prej ari në vlerë prej 2.000 euro.
Pas kryerjes së kontrollit, policia nisi kërkimet.
Vjedhjet nëpër shtëpi në qytetin në kufi me Shqipërinë janë të shpeshta, ndërsa policia maqedonase shumë rrallë ka arritur që të kapë kriminelët.