Video/ Policia arreston 27 shoferë pa patentë dhe të dehur

Policia rrugore e Tiranës nuk ka kursyer askënd gjatë kësaj fundjave, duke vënë më shumë se 5100 gjoba, e duke arrestuar 27 shoferë pasi janë gjetur të dehur ose pa dokumente.

Kështu gjatë fundjavës janë vendosur gjithsej 5.114 masa administrative:

Duke përdorur ragerat dhe radarin, nga shërbimet e Policisë Rrugore janë arrestuar në flagrancë 4 drejtues mjetesh të papajisur me Leje Drejtimi dhe 23 drejtues mjetesh në gjendje të dehur.

Janë pezulluar gjithsej 148 Leje Drejtimi, nga këto: 35 për alkool, 67 për shpejtësi dhe 46 për shkelje semafori e shkelje të tjera të ndryshme.

Janë vendosur 790 masa administrative për mosvendosje rrip sigurimi, 209 masa për mosvendosje të kaskës mbrojtëse si dhe 736 masa për shpejtësi/parakalime të gabuara.

Gjithashtu janë këshilluar drejtues të automjeteve që nuk kanë rezultuar përsëritës për mosvendosje të rripit të sigurimit, përdorim celulari e shkelje të lehta të Kodit Rrugor.