Mbledhja e djeshme e grupit parlamentar socialist ka qenë e para pas pushimeve verore, por nuk ka pasur në fokus vetëm votimin e vetingut në parlament.
Burime pranë grupit parlamentar të PS-së thanë për Shqiptarja.com, se pas fjalës hapëse të Gramoz Ruçit, Fatmir Xhafaj ka shpjeguar përmbajtjen e ligjit të vetingut që u miratua pak orë më vonë në parlament.
Pas tij fjalën e ka marrë kryeministri Rama, i cili ndër të tjera ka theksuar nevojën për unifikimin e votave për këtë ligj, dhe dakordësinë me partnerët e huaj për ta miratuar edhe pa votat e mazhorancës. Por nuk ka qenë ky mesazhi më i rëndësishëm i kreut të Partisë Socialiste.