“Të kthehem te Interi? Nuk është ky momenti dhe nuk është në axhendën time imediate, por për të ardhmen, sigurisht. Mund të kthehem”.
Kështu është shprehur ish-presidenti i Interit, Massimo Moratti, për FcInternews. Ish-padroni foli më pas për objektivat e sezonit të skuadrës zikaltër, duke thënë se i duhet lënë kohë trajnerit Frank De Boer.
“Në çdo fillim sezoni jemi shumë optimistë dhe besojmë se Interi duhet të shkojë në Champions League. Janë shumë lojtarë të rinj dhe është normale që ende nuk janë ambientuar me njëri tjetrin. Për momentin duhet durim. Nuk duhet harruar se kemi ndryshuar trajnerin, por perspektivat e skuadrës janë të rëndësishme”, theksoi Morati.