“Tani nuk ka më taksistë me mastera”

Kryeministri Edi Rama në një takim që pati me maturantët fitues për në universitete i është rikthyer edhe njëherë historisë me taksistë, duke e ritreguar atë, por këtë herë me një ndryshim. “Tashmë ata nuk janë më me master apo doktoratura”, ka thënë Rama.

Rama: Unë kam një zakon të vjetër që në kohën kur isha kryetar bashkie. Një apo dy herë në vit dal natën i pashoqëruar dhe i iki edhe atyre të gardës që nuk e kuptojnë ku shkoj dhe marr një taksi. Kam shumë dëshirë të flas me njerëzit që janë shofer taksish sepse ata janë barometri më i mirë. Në një taksi mund të dëgjosh për dy orë gjithçka dhe mund të kuptosh shumë më tepër sesa nga analiza, analistët, debatet, portalet, online për vendin ku jeton dhe për problemet që kanë njerëzit. Shqyqyr që spo gjej më problemin që çdo taksixhi të jetë me master. Takoja taksixhi me master, me doktoratura dhe e tregonin, i merrnin në natyre, nuk shkonin në universitet. Njëri i shërbente gruas së pronarit të universitetit, i merrte i çonte fëmijët në shkollë dhe ai i jepte master, doktoratorë etj. Sot nuk ka më të tilla.