I paimagjinueshëm legalizimi i plehrave nga kjo mazhorancë!

Me ndalimin e çdo lloj mbeturine,
kjo qeveri punën e nisi,
dhe me legalizimin e tyre me ligj,
mbas tri vjetësh punën e bitisi!

Me vendimin e parë nga kjo qeveri,
duket se u mbyll ky skandal,
por ne thamë se vendimi s’ka fuqi,
se është demagogji dhe akt formal!

Duke e vënë të parin në rendin e gjërave,
vendimi rezultoi si tip llokumi,
dhe aleanca kundër importit të plehrave,
u tërhoq nga referendumi!

Vendimi i qeverisë qe karremi,
për t’u tërhequr nga protestat e kahershme,
dhe pro importit të plehrave ne kemi,
një ligj të ri që nga dita e djeshme!

Ky ligj është i paimagjinueshëm,
edhe pse u vesh me terma fine,
se në vendimin e parë të qeverisë,
ndalohej importi i çdo lloj mbeturine!

Në kohën kur u mor ai vendim,
shoqëria civile dhe qeveria qenë miq,
që mbërritën në të njëjtin përfundim,
se i panevojshëm do të qe një ligj!

Nëse do të hapim arkivin e “Ditës”,
do lexojmë aty menjëherë,
se ky vendim ishte gjest mirëkuptimi,
dhe ligjërisht nuk kishte asnjë vlerë!

Është absurdet të themi-se Ramën,
mafia e plehrave e kishte kapur,
por rruga për legalizimin e tyre,
gjithnjë ka qenë rrugë e hapur!

Mbas tri vjetësh të vështirë rrugëtimi,
një “ligj të mirë” bëri qeveria,
një ligj modern riciklimi,
për plehrat e mira-jo plehrat e këqija!

LSI-ja që ka për çdo gjë,
qëndrimet e veta sigurisht,
edhe kësaj here nuk lëshoi pe,
dhe ligjit të plehrave i ngjiti një bisht!

Ligjit të mbeturinave i ngjiti një bisht,
që s’qe menduar nga qeveria Rama,
që shoqëria civile të bredhë,
mbas kamionëve me plehra në dogana!

Ky është amandament krejt qesharak,
i shkruar nga dora e kampionëve,
se shoqëria civile ngre kauza,
dhe s’merret me kontrollin e kamionëve!

Po tani ligji në Kuvend ka kaluar,
duke rikthyer këtu të njëjtin skandal,
por unë dikur kam votuar,
për t’u thënë të gjitha plehrave: “Ndal!”

Kuptohet që shoqëria civile,
do të rikthehet sërish në betejë,
dhe përsëri në rendin e ditës,
referendumin kundër plehrave do rikthejë!