Një 26-vjeçar është vrarë me armë zjarri në Torovicë të Lezhës.
Ngjarja e rëndë ka ndodhur mëngjesin e së sotëm (27 shtator) rreth orës 06:15 në vendin e quajtur Argjinatura e Bentit, dhe sipas informacioneve viktima ka qenë bashkë me një person tjetër me furgon duke mbledhur qumështin e bagëtive të zonës së Torovicës.
Sipas policisë persona ende të paidentifikuar kanë qëlluar në drejtim të mjetit Ford, ku po udhëtonin shtetasit A.Q shofer dhe pasagjeri Ajet Qokthi 26 vjeç i cili mbeti viktimë e këtij atentati. Viktima dhe personi tjetër ishin kushërinj me njëri-tjetrin.
Dshohet se kanë qenë më shumë se dy persona dhe se vrasja ka qenë e mirëorganizuar.
Dyshohet se vrasja mund të ketë qenë një tentativë grabitje, pasi viktima tre vite më parë ka rënë pre e grabitjes po në të njëjtën zonë.
Dy kushërinjtë ishin nga fshatrat e Shkodrës dhe vinin çdo ditë për të mbledhur qumësht në Torovicë.
Policia ka ngritur pika kontrolli dhe po punohet për identifikimin dhe kapjen e autorëve, ndërsa është shoqëruar dhe po merret në pyetje drejtuesi i mjetit.