Thomas Strakosha nuk është grumbulluar nga trajneri De Biazi për ndeshjet kundër Lihtenshteinit dhe Spanjës. Portieri i Lacios, që bëri debutimin në Serinë A në takimin kundër Milanit nuk do të jetë pjesë e kuqezinjve për dy ndeshjet e radhës.
Arsyeja e këtij vendimi nga ana e De Biazit lidhet me ndeshjen që Shqipëria U-21 ka kundër Izraelit më datë 10 tetor. Strakosha u grumbullua për ndeshjen ndaj Maqedonisë, të cilën Shqipëria e fitoi 2-1 në Shkodër.
Listën e plotë De Biasi do ta zbulojë ditën e sotme në një konferencë për shtyp.