Një person është arrestuar nga policia, pasi është kapur me lëndë narkotike.
Në pranga ka rënë Eduart Muka, 46 vjeç, banues në Sarandë.
Në Pikën Kufitare të Kalimit Qafë-Bot Sarandë, gjatë kontrollit të ushtruar në automjetin tip “Seat”, me të cilin ai udhëtonte, policia ka gjetur të fshehur 6 kg e 650 gr, lëndë narkotike të llojit kanabis sativa.
Lënda narkotike ishte e ndarë në 17 pako, mbështjellë me plastikë dhe natriban, e cila u sekuestrua në cilësinë e provës materiale, gjithashtu policia bëri edhe bllokimin e automjetit. Mbi Mukën rëndon akuza për veprën penale “Trafikim narkotikësh”./tvklan.al