Sondazhi i IPR: 74,6% mendojnë që partitë duhet të merren me papunësinë

IPR Marketing ka prezantuar sondazhin e dytë, të realizuar për televizionin Ora News. Në këtë sondazhin të kompanisë italiane u intervistuan 1002 persona në rang kombëtar të ndarë në mënyrë proporcionale në qarqe sipas popullsisë përkatëse dhe në të njëjtën mënyrë edhe 1000 persona vetëm në qarkun e Tiranës. Janë pyetur 565 persona në zonat urbane dhe 437 persona në zonat rurale. Marzhi i gabimit është 2.5 për qind. Intervistat janë kryer me telefon, 70 për qind me celularë dhe 30 për qind me telefona fiks. Ajo që është e qartë në këtë sondazh është avantazhi i koalicionit të majtë kundrejt koalicionit që është në qeveri. Sipas të dhënave të sondazhit koalicioni i majtë merr 48 për qind të votave ndërsa koalicioni që është sot në qeveri merr 43. 5 për qind. Rezultatet kanë shkaktuar tension në studio, pasi gazetari Çim Peka tha se ky është një sondazh i paguar nga Lëvizja Socialiste për Integrim. Drejtuesja e emisionit, Ilva Tare, i kërkoi atij që të ruante seriozitetin dhe të mos bënte akuza.

Rezultati në Tiranë

17 me 15 është ndarja e  mandateve në Tiranë në favor të aleancës së majtë, nëse zgjedhjet do të zhvilloheshin më 21 Maj. Diferenca mes dy koalicioneve bëhet nga mandatet e LSI. Aleanca e majtë arrin në 17 mandate falë 3 mandateve të LSI, e cila ne zgjedhjet e vitit 2009, mori  4 % të votave në Tiranë, ndërsa nëse zgjedhjet do të zhvilloheshin sot sipas sondazhit do të arrinte të merrte 8 % të votave , duke e dyfishuar rezultatin.

Ne rang kombetar rezultati se kush i fiton zgjedhjet, rezultati eshte:

KOALICIONI I MAJTE 48%.

KOALICIONI I DJATHTE 43,5%.

***

Per qarkun e Tiranes pyetjes se kush i fiton zgjedhjet, pergjigja eshte:

Koalicioni i majte 49,5%.

Koalicioni i djathte 45 %.

Me koalicione. Koalicioni i majte 17 mandate. Koalicioni i djathte 15 mandate

***

Pyetjes se nëse nënshtetasit shqiptarë jashtë kufijve duhet të votojnë në shtetin ku jetojnë apo duhet të kthehen për të votuar në Shqipëri, të intervistuarit i janë përgjigjur:
58,2% Duhet të votojnë në shtetin ku ata jetojnë.
34,2% duhet të kthehen në Shqipëri për të votuar dhe 7,6% i janë përgjigjur nuk e di.

***

Të pyetur se çfarë mendimi keni për uljen e moshës për të votuar deri në 16 vjeç, shqiptarët i janë përgjigjur:
79,6% Kundër.
18,2% Pro dhe “Nuk e di” i janë përgjigjur 2,3%

***

Një nga pyetjet e rradhës ka qenë edhe në lidhje me 3 ligjet e integrimit ku të intervistuarit janë përgjigjur 39,9% se ligjet duhen modifikuar përpara se të aprovohen.

29,3% mendojnë se janë mirë kështu siç janë ndërsa 30,8% janë përgjigjur “Nuk e di”

***

Pyetja se kush po e drejton fushatën elektorale në mënyrë më bindëse dhe efikase ka marrë si përgjigje:
36,3% Edi Rama dhe PS
25% Sali Berisha dhe PD
38,7% Nuk e di

***

Të pyetur nëse janë duke e ndjekur fushatën për zgjedhjet parlamentare të Qershorit,

36,2% e të intervistuarve i janë përgjigjur se po e ndjekin me shumë interes. 45,9% po e ndjekin por me pak interes dhe 17,9% nuk po e ndjekin fare.

***

Një pyetjeje të rëndësishme se cilat janë çështjet që një parti duhet të merret kryesisht, në mënyrë që të marrë votën e qytetarëve, këta të fundit i janë përgjigjur:
Papunësia 74,6%
Kriza ekonomike 52,4%
Ligjshmëria dhe lufta kundër korrupsionit 36,9%
Integrimi në bashkimin europian 30,4%
Siguria dhe lufta kundër kriminalitetit 28,7%
Çështjet e të drejtave të grave 18,9%
Politikat rinore 15,6%
Politikat sociale 3,8%
Tjetër 1,8%
Nuk e di 1,5%

***

Të pyetur se çfarë do të mendonin mbi të gjitha për të vendosur se si do të votojnë në zgjedhje përgjigja ka qenë:
39,4% Programin
20,3% Partinë
11,2% Për kandidatët në listat e partive
9,5% Për liderin e koalicionit
5,3% Për koalicionin
14,3% Nuk e di

(Vijon)