Sondazhi: Koalicioni i majtë 50.5 përqind, koalicioni i djathtë 42 përqind

Instituti italian Piepoli në bashkëpunim me Vizion Plus ka publikuar të dhënat e sondazhit të dytë, dy javë pas publikimit të sondazhit të parë.

Koalicioni i majtë udhëheq dhe në këtë sondazh, duke marrë 50.5 përqind të votave të atyre që do votonin sot. Kurse koalicioni i djathtë ka 42 përqind.

Partia Socialiste ka 42.5 përqind të votave, kurse Partia Demokratike ka 37.5 përqind.

Lëvizja Socialiste për Integrim ka 5 përqind të votave. Po kaq ka edhe Fryma e Re Demokratike. Kurse Aleanca Kuq e Zi ka vetëm 2.5 përqind të votave.

Te dhenat e detajuara

Sa i përket qarkut të Tiranës, koalicioni i majtë është plot 12 pikë përpara, duke udhëhequr me 52 përqind.

Koalicioni djathtë merr 40 përqind të votave.

Bie në sy se Fryma e Re Demokratike merr 6 përqind të votave në qarkun e Tiranës, kurse Aleanca Kuq e Zi vetëm 2 përqind.

Në total në Tiranë, PS merr 47 përqind të votave kurse LSI merr 4 përqind. Në koalicioni e djathte, PD merr 37 përqind të votave kurse 3 përqind shkojnë për partitë e tjera.

Sondazhi është realizuar përmes 1000 intervistave telefonike ne te gjithë territorin shqiptar. Ne këtë material shtrohen pyetje te situatës social-ekonomike, nga papunësia, kosto e jetesës, korrupsioni, kriminaliteti, paqëndrueshmëria politike apo gjendja e infrastrukturës. Ne këtë faze te dyte te studimit, jepen edhe te dhëna me përqindje për popullaritetin e figurave kryesore politike, Rama, Berisha apo Topi.

Pyetjes se cili eshte problemi me shqetesues ne Shqiperi te anketuarit i jane pergjigjur: papunesia 48%, kosto e jeteses 13.3%, korrupsioni 7.5%, shendetesia 4.7%, kriminaliteti 3.8%, paqendrueshmeria politike 2.7%, mungesa e infrastruktures se duhur si psh rruget 2.6%, transparenca ne administraten publike 2%, mungesa e sherbimeve 1.2%

Persa i perket pyetjes se te cili lider politik kane me shume besim, 51% e te anketuarve kane zgjedhur liderin e opozites Edi Rama, 45% Kryeministrin Sali Berisha, 43% kreun e FRD-së Bamir Topi.

Nje nga ceshtjet thelbesore sipas opinionit te shqiptareve eshte anetaresimi ne Bashkimin Europian. 91.8% e tyre mendojne se nese Shqiperia behet pjese e familjes europiane do te perfitojne garanci per sherbime shendetesore, 91.2% mendojne se do te kene sherbime me te mira ne kopshte dhe shkolla, 89% besojne ne anetaresimin e shqiperise ne BE, 85.3% besojne per punesime dhe pagesa bazuar mbi sistemin e meritokracise. Sipas sondazhit 11% e te anketuarve jane te pavendosur se per ke do te votojne ne 23 qershor, ndersa 89% e kane vendosur tashme. 37.5% e te anketuarve pergjigjen se do te votojne Partine Demokratike, 42.5% Partine Socialiste, 5% LSI, FRD 5% dhe AK 2.5%. Ndersa per koalicionet 42% pergjigjen se do te votojne per Aleancen per Punesim, Mireqenie dhe Integrim, dhe 50.5% per Aleancen per Shqiperine Europiane.

Nese shqiptaret do te votonin sot 81% e tyre pohojne se do te shkonin ne kutite e votimit, me siguri po 73%, sigurisht jo 16%, ndoshta jo 3%, ndoshta po 8%. Ne krahasim me sondazhin e muajit Prill Partia Demokratike dhe ajo Socialiste rriten me 2.5%, ndersa ne total ne koalicione e djathta eshte rritur me 2%, dhe e majta me 1.5%. Mbeshtetja per FRD ka rene me 0.5%, per AK me 3%. Ne qarkun e Tiranes 13% e te anketuarve nuk mendojne te votojne, ndersa 87% mendojne te shkojne drejt kutive te votimit. Nga keta 15% jane te pavendosur per voten e tyre dhe 85% jane te vendosur.