Të shtëna në parlamentin e Iranit, një kamikaz shpërthen në mauzoleumin e Ajatollah Khomeinit

Dy sulme janë shënuar mëngjesin e sotëm në Teheran, ku disa persona të armatosur kanë hapur zjarr në parlamentin iranian, ndërsa një kamikaz ka shpërthyer në mauzoleumin e Ajatollah Khomeinit, themeluesit të Republikës Moderne, në jug të kryeqytetit.

Terroristët nuk janë kapur ende dhe policia ka ngritur postblloqe në çdo cep të vendit. Deri tani nga sulmi raportohet vetëm për të plagosur.

Mësohet se dy prej agresorëve derdhën breshëri plumbash brenda parlamentit, duke plagosur një roje, ndërsa i treti hodhi veten në erë me sulm kamikaz.