Interi pritet që të bëjë shumë ndryshime në skuadër, pasi një pjesë e mirë e lojtarëve do të largohen gjatë kësaj merkatoje vere.
Drejtuesit e klubit zikaltër përpara se të nisin të transferojnë ndonjë lojtarë, íllimisht kanë vendosur të largojnë disa të tjerë, të cilët nuk bëjnë pjesë në planet e trajnerit Luciano Spalletti.
Sipas Sky Sport, Interi gjatë kësaj vere do të largojë 10 lojtarë, një formacion të tërë. Prej tyre do të jenë katër mbrojtës, tre mesfushorë dhe tre sulmues, duke lënë vend për shumë lojtarë të rinj.
Mbrojtësit që do të largohen janë Santon, Murillo, Ranocchia dhe Nagatomo. Në mesfushë do të largohen Brozovic, Medel dhe Banega, ndërsa në sulm Gabigol, Jovetic dhe Biabiany.