Një jetë duke kyçur portën, prej më shumë se dy dekadash pjesë e futbollit të madh botëror por dhe për një si Gigi Buffon vjen një ditë kur duhet të ndalet duke lënë bosh vendin mes dy shtyllave, por jo trashëgiminë e një portieri të madh që nga dita e parë e karrierës së tij. Këtë të hënë, gardiani i të kaltërve dhe bardhezinjve konfirmoi atë që dihej prej kohësh pas Botërorit rus do të tërhiqet nga futbolli i luajtur. Gjithsesi për një njeri që ka patur gjithmonë çelësin e portës nuk është e pazakontë që të paktën një herë të vetme derën të lërë paksa hapur për veten, pasi në intervistën e tij me mediat, Buffon konfirmoi se mund të vazhdojë vetëm në rast të fitimit të trofeut të madh të Champions League:
“Me 99 përqind do të largohem në përfundim të Rusi 2018. Do të luajë dhe sezonin e fundit dhe më pas do të ndalem.
Gjithsesi mund të vazhdojë të qëndroj vetëm nëse fitojmë Champions, pasi e tillë është marrëveshja me Agnellin sepse duam që të fitojmë së bashku më pas dhe Superkupën e Europës dhe Botërorin”.
Në fund të fundit do të ishte mëkat t’i kërkojë Bufron të largohej duke e ditur se ka ende mundësinë për të marrë dhe dy trofe të tjerë të mëdhenj, pas një karriere të gjatë të pasur me fitore dhe trofe.