“Allah, re Doktor, sa lezet të ka gënjeshtra!”

“Allah, re Doktor, sa lezet të ka gënjeshtra!”
“Po çfarë nuk më ka lezet mua, o Hysni, nuk më ka lezet President, Kryeministër, kryetar partie!”
“Eeh re! Ku janë mbledhur të gjitha tek ti, ore po humori të shkon, thashethemet të kanë më shumë hije se të vërtetat, po edhe që ç‘të sheh syri ta zë dora, e ç‘të zë dora ta nxë xhepi, po çdo gjë që bën ti ka kuptim, edhe unë që kam qenë nenkampion i lagjes për të gënjyer, nuk më ka ecur fare, ti sa më shumë gënjen aq më lart bën, mua desh më kanë thyer brinjët kur gënjeja, kurse ty të zgjedhin Kyrmenistër!”
“Epo, duhet të dish si ta lozësh edhe këtë lloj sporti, o Hysni, jo dil e gënje kot!”
“Ore, më kot nga ti nuk gënjen njeri, po ja që të ecën!” “Hajt o hajt, pije një gotë edhe mos u ha me mua Hysni, se ti nënkampion i lagjes ke qenë, kurse unë jam kampion botëror. Ore, po kampion kush ishte në lagjen tënde?”
“Lëre lëre, ka qenë Vathi! Ai ma kalonte, sa thoja unë një gënjeshtër, ai do gjente një më të madhe, sa herë loznim domino tek përroi lagjes do mbërtheheshim prej gryke në fund të lojës!”
“Pse aq i rrezikshëm ishte ky Vathi?!”
“Ai ta qëndiste aty për aty, doli një mi aty tek ferra ku loznim domino edhe ishte mi fushe i madh, të gjithë u habitëm edhe komentonim , po po çfarë ishte gjithë ai mi si mace!”
“Ai nuk është gjë fare”, tha Vathi edhe filloi, “kur isha unë minator në minierën e Memaliajt, duke punuar në galeri me çekan, na del një mi, more vëllezër, sa të them! Mori frymë, ne po prisnim të thoshte masën, ai ja këputi, mi miniere, nuk bëhej më i madh, edhe vazhdoi, ne minatorët lamë çekiçët edhe ja futëm të gjithë vrapit nga frika, kur kthyem kokën pas për të parë po na ndiqte miu apo jo, ç‘të shikojmë!”
“Çfarë?!”, pyetëm ne të gjithë njëzëri me sytë shqyer.
“Miu”, vazhdoi Vathi, “kishte marrë çekiçin, kishte vënë kapelen në kokë, edhe po punonte vetë.”
“Epo, kaq desha unë dhe fillova historinë time.”
“Ndërsa, kur isha oficer në kufi duke patrulluar, pamë gratë e fshatit që qëndronin në anë të përroit, edhe nuk kalonin matanë për tek ara me grurë ku ishin nisur për të korrur! Afrohem unë me shokun tim edhe i pyesim çfarë ka ndodhur?! Shikoni atje, na thanë edhe na treguan një gjarpër të madh mbështjellë nja 12 herë rreth vetes! Ishte gjigand! Mos u mërzitni, moj motra u thashë, se këtë punë e rregullon Hysniu! Mora automatikun, u ula në gjunjë, mora shenjë mirë dhe qëllova, vetëm me një plumb që e shpoi në mënyrë simetrike tej për tej, gjarpri u hap në gjithë gjatësinë e tij dhe nga 12 vrimat që shpoi plumbi, rridhte gjaku si çesmë! Gratë e fshatit më falenderuan dhe shkuan të korrnin grurë!”
“Bo, sa gënjeshtra të trasha ke, ti Hysni!
“Pse, ti Ylli, nuk je gënjeshtar?”
“Jo, unë jam kurvar.”
“Po mirë, si shkërdhen kur nuk gënjen ti?!”
“Po pse, doktori që na gënjen do të thotë që na shkërdhen?”
“Doktori bën gënjeshtra politike, ti i bën gënjeshtra erotike!”
“Unë nuk gënjej, mua më vijnë femrat vetë.”
“Mirë e ke ti, edhe ne i vemi doktorit vet, se ai nuk na merr me zor të na gënjejë.”
“Të kisha atë Vathin e lagjes tënde unë, o Hysni, në stafin tim do gënjeja edhe alienët!