Nga qyteti i Elbasanit, kryeministri Edi Rama nuk i kurseu batutat me kreun e PD-së Lulzim Basha. Ndërsa dje u mor me veshjen e tij, duke e krahasuar me atë të një kryetari kooperative, sot, tha Rama ai kishte bërë një hap përpara.
“Sot kishte ndërruar pantallonat, e quajta kryetar kooperative se më mërziti duke u marrë me tuat e mia. Sot kishte bërë një hap përpara, por Luli nuk është gati, nuk di se çfarë i duhet këtij vendi. Është si shalqi me provë, Lulin e kanë provuar, larg qoftë me ju turr prapë atij. Dilte me bukë në dorë nëpër Tiranë dhe thoshte është e shtrenjtë buka, se ndikon klani i betonit. Më jepni votat, ia dhamë, ca i mori ashtu si të gjithë e dinë dhe çmimi i bukës u rrit. Luli nuk rregulloi dot as sahatin e Tiranës”,- tha ai.
Kryeministri Ram shtoi ndër të tjera se vetëm nëse timonin e merr sërish PS-ja shqiptarët kanë siguri për bërjen e vettingut.
“Vettingu ka filluar se Luli tha reforma është e kryme, kujdes asgjë nuk është e kryme nëse ne nuk jemi në krye të vendit. Po ju them ndajeni mendjen, nëse doni të zbatojmë deri në fund reformën, për gjykatës e prokurorë që ia kanë nxirë jetën këtij populli në 20 e kusur vjet, mos e shpërndani votën, investojeni tek garanti dhe garanti ka vetëm një emër: PS”,- nënvizoi Rama.
Imagjino sa i ke merzitur ti njerezit me marrezite e tua o shalqi i papjekur.