Manchester Unitedi ka arritur marrëveshjen me Real Sociedadin për të shitur Adnan Januzajn për 9.7 milionë euro.
Mesfushori shqiptar nuk bën më pjesë në planet e Jose Mourinhos, i cili ka vendosur ta shesë. 22-vjeçari ka edhe një vit kontratë me “Djajtë e Kuq”, dhe klubi anglez kërkon të përfitojë nga shitja e tij.
Lojtari në edicionin e kaluar ishte i huazuar tek Sunderlandi, ku luajti nën urdhrat e David Moyes, por dështoi të tregohej lojtar i rëndësishëm.
Ai ka luajtur në formë huazimi në të kaluarën edhe në Bundesliga, te Borussia Dortmundit.
Edhe Roma i kërkon shërbimet e Januzajt, mirëpo “France Football” raporton se Sociedadi ka arritur ta bindë Unitedin që t’ia shesë lojtarin.