Prefekti i Kukësit Liman Morina është kallëzuar në Prokurorinë e rrethit Kukës, pasi dyshohet se ka konsumuar në zyrën e tij, veprën penale të shpërdorimit të detyrës dhe shit-blerjes së votës. Lajmi konfirmohet nga burime zyrtare të Policisë. Një qytetar pretendon përpara organit të prokurorisë dhe policisë së qarkut Kukës se ka një incizim të prefektit Morina duke i ofruar para dhe udhëzuar për votimin. Materiali është marrë në dorëzim nga Oficeri i Policisë Gjyqësore.
Ministri i Punëve të Brendshme, Dritan Demiraj i ka kërkuar autoriteteve vendore të policisë së qarkut Kukës të zbardhin rastin me shpejtësi, të ndalojnë të gjitha personat e përfshirë në këtë rast flagrant të shpërdorimit të detyrës, si dhe në vijim të bashkëpunojnë ngushtësisht me prokurorinë e rrethit Kukës.
Gjithashtu ministri i Punëve të Brendshme, Dritan Demiraj i ka propozuar Këshillit të Ministrave pezullimin nga detyra të prefekti të qarkut Kukësit, Liman Morina deri në sqarimin e plotë të rrethanave të ngjarjes.
Ky prefekt alabak, me 99.9% , është i LSI-së !