Kreu i Bashkisë së Tiranës, Erion Veliaj, ishte i pari përfaqësues politik që ushtroi të drejtën e votës.
Veliaj votoi rreth orës 08:50 në shkollën “Fan Noli”, i shoqëruar dhe nga bashkëshortja e tij.
“Sot është dhe festa e demokracisë. Do kërkoja një nder të fundit në fushatë, të ketë sa më shumë pjesëmarrje.
Do të doja ta mbyllim me nder këtë proces.
Katër minuta në ditën e sotme caktojnë drejtimin e Tiranës, drejtimin e Shqipërisë punët e nisura, reformat që kanë nisur në katër vitet e ardhshme”, tha Veliaj.