Berlusconi po mendon blerjen e klubit të Genoas! Ky është lajmi më i bujshëm i bërë publik nga “Corriere della Sera”.
Në fakt, nuk bëhet fjalë për Silvio Berlusconin, ish-padronin e Milanit, por për të birin Pier Silvio.
Por ajo që hedh poshtë gjithçka është e motra, Marina, e cila ka deklaruar shumë shpejt se “Fininvest”, pas shitjes së Milanit nuk ka hedhur dhe nuk do të hedhë më parà në botën e futbollit.
Për të përforcuar lajmin e bujshëm, gazeta italiane sjell në vëmendje disa deklarata të Enrico Preziosit, presidentit aktual të klubit “Grifone”.
“Do të më pëlqente, – është shprehur ai. – Di vetëm që Zangrillo, mjeku personal i ish-kryeministrit italian, ka tentuar shumë, por personalisht nuk kam pasur asnjë kontakt të drejtpërdrejtë me familjen Berlusconi”.