Besnik Mustafaj dhe Astrit Patozi, të njohur si dy kritikues të kryetarit të Partisë Demokratike, Lulzim Basha janë takuar sot në qytetin e Durrësit.
Sipas Besnik Mustafaj, ky takim bëhet për të shpëtuar Partinë Demokratike.
“Jemi këtu për të shpëtuar PD. Ne duam debat për arsyet e humbjes së zgjedhjeve. Duam fushatë të drejtë nga ku do të zgjidhet kreu i ri i PD” ka thënë ai.
Në takim ka marrë pjesë edhe Leonard Olli, i cili tha se “sot jemi në rezultatin më të dobët historik. PD nuk është pronë e një individi.
Në PD ndodhi zerimi i fjalës së demokratëve. Basha duhet të mbajë përgjegjësi për humbjen e zgjedhjeve”.