Kush fshihet pas Blumar? Afera 1 milionë USD me varrezat e çamëve

Plot 100 milionë lekë te reja, ose e thënë ndryshe 1 milion dollare fitoi me 13 Shtator një kompani e quajtur “Blumar” për ndërtimin e varrezave monumentale të çamëve në fshatin Kllogjer të Sarandës. Një investim i majmë, por i duhur, i komunës “Markat” e cila drejtohet nga PDIU. Por, sikurse zbuloi dhe vizita e zotit Idrizi, punimet për këto varreza kishin degraduar në një “punë rutinë” madje ende të papërfunduar edhe pse zoti Idrizi shkoi gjithë pompozitet dhe me “gërshërë në dorë” dy ditë më parë.

Gazeta “DITA’ i rikthehet sot çështjes së këtyre varrezave, pasi sikundër referojnë një sërë dokumentesh zyrtare, rezulton se zoti Idrizi dhe lidershipi i PDIU-së, rrahin fort çështjen çame, por demagogjia kësaj here ka kaluar caqet e lakmisë së të gjallëve, lakmia është shtrirë edhe në territorin e të vdekurve, e martirëve të vdekur çamë.

Tahiri

Nga një shqyrtim i dokumentacionit të kompanisë “Blumar shpk” rezulton se pronar aktual i saj është një shtetas italian i quajtur Salvatore  Constanzo. Por… Deri në mesin e vitit 2010 kjo kompani ka qene e regjistruar ne QKR si pronë e deputetit të kësaj partie Dashamir Tahiri. Zoti Tahiri zyrtarisht ka shitur aksionet e tij nga kjo kompani në vitin 2010, kohë kur Gjykata Kushtetuese i hoqi mandatin deputetit socialist Ilir Beqja (ky i fundit u konstatua si aksioner ne nje kompani qe kishte perfituar fonde publike).

Vlen të thuhet se zoti Tahiri në këtë votim, mbështeti heqjen e mandatit dhe pak ditë më vonë shkoi dhe transferoi aksionet e“Blumar”. Kjo kompani duket e “preferuar” në shumë tenderë publikë pas vitit 2009. Ajo është e specializuar në punimet inxhinierike pranë porteve dhe rezulton se që prej vitit 2009 kjo kompani ka fituar të paktën 7 tenderë publikë të cilët e tejkalojnë shifrën 5 milionë eurove në total.

Zoti Tahiri me letra nuk është më aksionar në këtë kompani, por duhet thënë se kompania ka intensifikuar përfitimet në tenderët publikë në kohën kur PDIU nisi të menaxhonte fonde publike. Duket se kuotat e patriotizmit kanë arritur majat në bursën politike shqiptare. E per me teper, vepra per te cilen jane marre keto 1 miliard leke te vjetra nuk eshte bere.

********

Kërkon të fotografojë “varrezat” që nuk janë, dhunohet nga stafi i Idrizit gazetari i ATSH (FOTO)

Një gazetar i ATSH denoncon përmes Facebookut dhunën e ushtruar ndaj përfaqësuesve të medias dje në Kllogjer, nga staf dhe truproja të kreut të PDIU-së, Shpëtim Idrizi. Gazetari quhet Telnis Skuqi. Ai eshte perpjekur te beje fotografi. Fakt eshte qe fotografi “te varrezave” nuk mund te behen sepse as varreza, as monument nuk ka pavaresisht se jane dhene qe ne nentor te 2012-s rreth 1 miliard lekë per ndertimin e tyre (Shif faksimilet e fituesit te tenderit per Kllogjerin ne DITA-n e sotme).

NA SHPËTO NGA “TRIMAT”, SHPËTIM! – e quan gazetari Skuqi postimin e tij në FB dhe ndër të tjera shkruan:  Personalisht kam zgjedhur Facebook-un, si mjet komunikimi për të denoncuar dhunën psikologjike dhe fizike të disa “trimave” ndaj përfaqësuesve të medias, midis të cilëve jam edhe unë. Një kameraman vlonjat u dhunua fizikisht nga “trimat” dhe për pak kamera nuk përfundoi e copëtuar në kokën e tij, shkak vetëm se ai ushtronte profesionin. Pesë minuta më vonë u vërsulën drejt meje. Arsyen nuk e di. Disa trupmëdhenj më penguan për të realizuar fotoreportazh për ATSH-në”

Dje PDIU ka shkuar ne Kllogjer per diten kunder gjenocidit cam, por dita kunder gjenocidit eshte 27 qershori i vendosur si date zyrtare me dekret te posacem. Spostimi i saj brenda fushates elektorale nga PDIU eshte nje akt i denoncuar dje edhe nga Aleanca Popullore e Dojakes, partia qe perfaqeson komunitetin cam ne keto zgjedhje pas kandidimit te Idrizit ne listat e PD-se se Berishes.

Skuqi shkruan me pas se “”ndaj meje u hodhën lumë fjalësh ofenduese, madje situata për pak kaloj kufirin ekstrem. Falë përvojës sime personale, si gazetar prej 14 vitesh, debati u sheshua. … Na shpëto nga “trimat”, Shpëtim! Është e pafalshme që në vitin 2013 gazetarët dhe fotoreporterët të trajtohen si ordinerë nga disa individë që kërkojnë të kapardisen përpara shefit, madje më treguan edhe “ka…in”.

Fotot e incidentit publikuar ne profilin e Telnis Skuqit