Ekipi i Kukësit luan sot në orën 19:30 në “Elbasan Arena” ndeshjen më të rëndësishme të këtyre 5 viteve në elitën e futbollit shqiptar.
Skuadra verilindore përballet sot me skuadrën moldave të Sherif Tiraspolit për të përmbysur humbjen 1-0 në ndeshjen e parë, pas një penalltie të shkaktuar nga mbrojtësi spanjoll, Albert Serran.
Trajneri Gjoka ka hedhur në fushën e lojës një formacion ku nga minuta e parë do të luajnë përkrah njëri-tjetrit 3 sulmues.
Pejiç do të formojë dyshen e zakonshme të sulmit me Eminin, i cili kthehet në formacionin titullar. Kukesit i duhet një fitore me dy gola diferencë për të arritur kualifikimin historik në Ligën e Kampioneve.
Formacionet Kukësi-Sherif:
Kukësi: Koliqi, Shameti, Serran, Hallaçi, Rrumbullaku, Musolli, Lena, Guri, Kale, Emini, Pejiç.
Trajner: Ernest Gjoka
Sherif: Mikuliç, Raku, Posmac, Sushiç, Badibanga, Leite, Anton, De Noijer, Brezovec, Mugosha, Bajala.
Trajner: Roberto Bordin
Gjyqtar: Irfan Peljto (Bosnjë-Hercegovinë)