Leonardo Bonucci i jep një të prerë. Transferimi i tij nga Juventus te Milan koinçidon edhe me një paraqitje të re të mbrojtësit. Ishte vetë mbrojtësi i afruar te kuqezinjtë në këtë merkato vere, Bonucci, ai që ka zbuluar look-un e tij të ri nëpërmjet një potimi në llogarinë e tij në Instagram.
Në mungesë totale të mjekrës, që ishte shndërruar në një simbol të ish-futbollistit të Juventus, diçka krejt e pazakontë për atë, aq sa ka bërë që edhe vetë ai, Leo, të pranonte në komentin që shoqëronte foton: “Pa mjekër, keq keq!!”. Në një moment tjetër, vetë futbollisti ka zbuluar më pas motivin e modelit të ri, duke u shfaqur në një studio mjeksore me shumë tuba që i mbulonin fytyrën.