Qytetarët e Kamzës dhe përfaqësues të shoqatave ambientaliste, kanë protestuar mëngjesin e kësaj të hëne përpara Bashkisë së Kamzës, kundër hedhjes së mbeturinave dhe djegies së tyre në lumin e Tërkuzës.
Protestuesit kanë ndërmarrë edhe një peticion, ndërsa kanë kërkuar takim me kryebashkiakun Xhelal Mziu por ky i fundit i ka refuzuar.
Ata janë futur në ambientet e hollit të Bashkisë Kamëz, por janë ndaluar nga punonjës të Policisë Bashkiake me argumentin se banorët s’kanë paguar taksat.
Qytetarët protestojnë prej disa ditësh pasi djegia e mbetjeve rrezikon të sjellë një katastrofë mjedisore në zonën përreth.
Ankesat e banorëve janë se djegia e mbetjeve përhap erën e rëndë aq sa ata e kanë të pamundur të hapin dyert dhe dritaret e shtëpive.
Banorët kërkojnë marrjen e masave nga Bashkia për të gjetur zgjidhje për trajtimin e mbetjeve në vende të përshtatshme larg zonave të banuara.
Mire bejne banoret qe ngrihen tashti ,por zgjedhjet sapo e mbushen muajin qe jane zhvilluar dhe keto mbeturina aty ishin , nuk u krijuan ne nji muaj .Perse e votuan kete Meziun.?Tashti per kete katastrof mjedisore a do te pergjigjet edhe kjo ministria e mjedisit , apo kjo s’ka lidhje me ministrine se ministrija merret me pune te medha shkencore e studimore dhe jo dava plehrash te nji bashkie ne periferi te kryeqytetit qe i djeg keto plehra duke helmuar qytetaret e saj por edhe te qyteteve per rreth