Lëvizja “Mjaft” publikoi sot një raport në lidhje me shpenzimet e partive politike gjatë fushatës zgjedhore që u mbyll mbrëmë në mesnatë. Në raportin monitorues të “Mjaft” vërehet se Partia Demokratike ka shpenzuar më shumë për fushatë.
Partia Demokratike ka realizuar gjatë kësaj fushate 25 spote publicitare, Partia Socialiste 10 të tilla, ndërsa LSI rreth 2 spote elektorale.
Spotet e PD-së janë shfaqur rreth 2000 herë, të PS-së rreth 1600 herë, ndërsa të LSI-së rreth 1700 herë. Të përkthyera në orë rezulton se spotet e PD-së kanë konsumuar 26 orë, të PS-së- 17 orë, ndërsa të LSI-së 15 orë.
Shpenzimet në lekë për këto spote rezultojnë të tilla: PD rreth 120.000.000.00, PS 80.00.000.00, dhe LSI rreth 60.000.000.00.
Ashtu siç është ngritur zëri vazhdimisht në media për një lëshim të dorës nga ana e Partisë Demokratike në këtë fushatë , këtë e dëshmojnë edhe shifrat të cilat konstatojnë se PD ka financuar dyfishin e PS-së, me 15 spote më shumë, ka konsumuar 9 orë më shumë se PS për ‘bindje’, dhe relativisht ka paguar një kosto rreth 40.000.00.00 lekë më shumë.
Televizioni “ABC News “ ka transmetuar 7 orë spote të PD-së, “Top Chanel” rreth 2 orë , ndërsa “Klan TV” mbi katër orë, ndërkohë që ka paguar 35.000.000.00 Klanin, rreth 10.000.000.00 Top Chanel dhe ABC News.
Edhe spotet e PS-së janë transmetuar mbi 4 orë në “ABC News”, 1.5 orë në “Top Chanel” dhe mbi dy orë në “TV Klan”. PS ka paguar mbi 20.000.000.00 TV Klan, mbi 15.000.000.00 Top Chanel dhe mbi 5,000.000.00 lekë., ABC News.
Sipas raportit rezulton se dy forcat më të reja AK dhe FRD kanë zaptuar më shumë kohë me spotet e tyre në News 24.
Gjatë kësaj fushate nga PD janë kryer 85 koncerte, 91 takime dhe 55 inaugurime. PS, 56 koncerte, 112 takime dhe 0 inaugurime. LSI 27 koncerte, 31 takime dhe 0 inaugurime.
Totali i shpenzimeve për produktet elektorale, ku përfshihen zyra elektorale, flamuj, billboarde, banera, postera etj, për PD rezulton një faturë prej 130.594.828.00. Fatura e PS-së është 93.484.020.00 lekë
lul qeni