Një shqiptare ka ndërruar jetë në një qendër azili, e cila u përfshi nga një zjarr ditën e djeshme, ndërsa një tjetër nga personeli është lënduar në tentativë për të ndihmuar azilantët.
Sipas medieve gjermane, 28-vjeçarja shqiptare me aftësi të kufizuara, identiteti i së cilës nuk bëhet i ditur ishte në dhomë në momentin që qendra në Bad Driburg u përfshi nga flakët, pasditen e së premtes.
Shqiptarja është gjetur e shtrirë në krevatin e saj, ndërsa ndërroi jetë nga asfiksia. Ende nuk dihen shkaqet e zjarrit, ndërsa të gjithë azilantët në kamp u evakuuan.