Qeveria së fundmi nëpërmjet Ministrisë së Turizmit ka bërë një inventar të objekteve kulturore në të gjithë vendin që paraqesin interes për tu vizituar.
Databasa është me rreth 1391 objekte të shpërndara në 12 prefektura të vendit, shkruan Monitor.
Sipas një data batabase që ka ndërtuar Ministria e Ekonomisë dhe Turizmit qarqet e Vlorës dhe Gjirokastrës kanë edhe numrin më të madh të objekteve kulturore të vizitueshme përkatësisht me nga 210 dhe 206 secila.
Më pas për nga numri i lartë i objekteve kulturore janë qytet e Elbasanit, Tiranës, Beratit dhe Shkodrës.
Numrin më të ulet të objekteve e kanë qarqet e Kukësit, Dibrës dhe Lezhës.
Bazuar në të dhënat e Ministrisë së Kulturës, vërehet një trend pozitiv të treguesve të ndryshëm (vizitorë dhe të ardhura) përsa i përket turizmit kulturor.
Më saktësisht, nga viti 2015 në vitin 2016, vizitorët në muze, parqe dhe monumente kulturore janë rritur me 17,5%, ndërkohë që të ardhurat e arkëtuara nga këto institucione janë rritur me 18,9%.
Vërehet që numri më i lartë i vizitorëve për vitin 2016 është i përqëndruar në Parqet Arkeologjike, ndjekur më pas nga Monumentet e Kulturës dhe në fund nga Muzetë Kombëtarë
Bazuar në të dhënat e Departamentit për Kufirin dhe Migracionin, në Drejtorinë e Përgjithshme të Policisë së Shtetit, mbi hyrjet e shtetasve të huaj në vendin tonë, gjatë vitit 2016 në Shqipëri kanë hyrë gjithsej 4.735.511 shtetas të huaj.
Në këtë numër përfshihen të gjithë vizitorët që janë regjistruar nga sistemi TIMS i Policisë së Shtetit, përfshirë këtu edhe ata që kanë hyrë tranzit në vendin tonë.
Numri vizitorëve të huaj ka një rritje prej 14,6% krahasuar me vitin 2015.
Numri i objekteve kulturore sipas qarqeve
Qarku Berat 113
Qarku Dibër 64
Qarku Durrës 57
Qarku Elbasan 134
Qarku Fier 44
Qarku Gjirokastër 206
Qarku Korçë 161
Qarku Kukës 38
Qarku Lezhë 26
Qarku Shkodër 153
Qarku i Tiranës 185
Qarku i Vlorës 210
Totali 1391
