Një i mitur gjeti vdekjen ndërkohë që po lahej në lumin Shkumbin, në Librazhd.
Ngjarja ndodhi të martën, kur 14-vjeçari nga fshati Hotolisht kishte shkuar për t’u larë në lumë bashkë me të vëllain dhe kushëririn e tyre.
Vëllai dhe kushëriri tentuan ta shpëtonin, por për shkak të ujit të tepërt që kishte pirë, 14-vjeçari ndërroi jetë.
Gjatë 24 orëve të fundit një vajzë 12 vjeçare ndërroi jetë në plazhin e Divjakës duke u larë në det.
Ndërsa një 74 vjeçar ndërroi jetë në plazhin e Velipojës, menjëherë pasi u nxorr nga deti.