Keita Balde nuk ishte prezent në kompleksin stërvitor në Formello, për rifillimin e përgatitjeve, në seancën stërvitore të Lazio, në vigjilje të fillimit të kampionatit dhe debutimit në ndeshjen me Spal.
Mungesa e talentit të ri senegalez në grumbullimin e kontigjentit bardhekaltër shënon vijimin e dorës së hekurt mes futbollistit dhe klubit.
Debatet dhe mosmarrëveshjet mes dy palëve shpërthyen publikisht që javën e kaluar për të vijuar edhe në këtë fillim jave, fillimisht me vetë sulmuesin që akuzoi klubin për përjashtimin e tij në ndeshjen e Superkupës ndaj Juventus, për të vijuar më pas me mbështetjen e menaxherit të tij, që ka sulmuar Lazion, duke deklaruar se shqëria nuk dëshiron të investojë te Keita.
Ky i stomi është një tjetër sinjal i fortë i krisjes mes dy palëve dhe paralajmërues i divorcit, në pritje të një marrëveshje me Juventus.