Një koncert në Rotterdam, Holandë është anuluar pasi policia zbuloi një furgon me bombola gazi në afërsi të vendit ku do të organizohej aktiviteti.
Ishte sinjalimizi i policisë spanjolle për sulm terrorist që çoi në anulimin e koncertit të rokut, ndërkohë që edhe mjeti mbante targa të Spanjës.
Policia holandeze ka arrestuar dhe ka marrë në pyetje shoferin e furgonit, ndërkohë që është ekzaminuar edhe mjeti që ai drejtonte.
Policia ka arrestuar edhe një të ri 22-vjeçar në provincën jugore të Brabant me dyshimin se po kërcënonte të kryente një sulm. Autoritetet thonë se nuk është ende e qartë nëse bëhet fjalë për një tentativë për sulm terrorist, por hetimi do të përfshijë edhe këtë pistë.
Banda amerikane Allah-Las, që do të performonte në këtë koncert, shpesh është kërcënuar nga besimtarë muslimanë të ofenduar nga përdorimi i fjalës Allah në emrin e grupit.
Ndërkohë, paralajmërimi i policisë spanjolle erdhi pasi vendi u trondit nga dy sulme javën e kaluar, ku 15 persona humbën jetën dhe qindra të tjerë u plagosën.