Iku more, iku,
shkoi edhe vate,
duket se e puthi,
“halla” në dy faqe.
Këtej prush e valë ,
dhe një det me vota,
Vlora ja bën forra ,
forra ja bën Shkodra.
Forra ja bën jugu,
forra dhe veriu,
nga të katër anët,
forra – oshëtiu.
Oshëtiu deti,
fusha edhe mali,
votën popullore,
s’ka fortesë ta ndali.
Vota popullore,
nuk pyet për “krajle”,
vota popullore,
përmbys edhe male.
Përmbys edhe male,
Sa të humb nishani,
Mos e patë vallë,
ç’na u bë “sulltani” ?!
Mos e patë vallë,
pse na humbi fare,
si duron e s’duket,
në ato ekrane.
Në ekranet radhë,
me stoli e ngjyra,
ç’pati që i humbi,
pse ju zhduk fytyra.
Po Fevzon ç’e bëri,
se pamë te ekrani,
Fevzon nuk e pamë,
po s’u pa as Klani.
Populli, i tërë,
u ngrit si Anteu,
me zjarrin e votës,
regjimin shpërtheu.
Uragan shumë ballësh ,
syri s’ju drodh fare,
me zemër vulosi,
Rilindjen e madhe.
Vargje të nënshkruar: Sejmen Gjokoli