Shoqata Tennis Europe organizoi në Shqipëri kampionatin e tenisit për moshat deri 16 vjeç. Kampionati Telekom Tirana Open, u zvhillua në ambjentet e Tirana Sports Park gjatë datave 11 deri 15 Shtator kur katër finalistë luajtën për kupat e vendeve të para në kategoritë e femrave dhe meshkujve.
Fituesit e këtij kampionati ishin Matilda Mutavdzic nga Britania e Madhe në kategorinë e femrave dhe Tedar Teodorovic nga Serbia në kategorinë e meshkujve. Kupat u dhanë nga përfaqësues të Telekom Albania, kompania që mbështeti këtë event.
Tennis Europe, përbëhet nga 50 shtete anëtare dhe është shoqata më e madhe rajonale e trupit qeverisës të Federatës Ndërkombëtare të Tenisit. Me qendër në Bazel, Zvicër, shoqata organizon gara dhe evente sportive, të pavarura nga FNT, siç janë Kampionatet Europiane të Tenisit.