Wayne Rooney pësoi një dëmtim të rëndë në sy pas bërrylit të Simon Francis, por arbitri nuk akordoi as faull.
Martin Atkinson lejoi lojën të vazhdonte në Goodison Park, por ish-sulmuesi i Manchester United u tërbua nga vendimi i arbitrit teksa gjaku po i rridhte nga syri.
Duke qëndruar pranë stolit, Rooney bëri me gjest drejt të katërtit – duke sugjeruar se ishte goditur me bërryl.
Incidenti ndodhi gjatë fundit të pjesës së parë ndaj Bournemouth, kur Rooney dhe Francis u përplasën në një dyluftim ajror.
Kur topi doli jashtë loje, Rooney ishte mbuluar me gjak si Terminatori.
Dy minuta më vonë, u rikthye në fushë, i inatosur për mos-dënimin e Francis. Gjithsesi, fitorja me përmbysje do t’ia ketë përmirësuar sado pak humorin.
