Në gusht, presidenti Trump dhe Zonja e Parë Melania Trump vizituan Houston-in pas uraganit shkatërrues Harvey.
Nga fotot e publikuara të çiftit presidencial, një detaj që ra më në sy se të tjerët ishin takat Manolo Blahnik që kishte veshur Melania. Njerëzit filluan ta kritikonin për zgjedhjen e këpucëve dhe thanë se ishte e pandjeshme. Melania u akuzua se interesohet më tepër për imazhin e saj sesa për të prekurit nga uragani.
Muaj më vonë, Trump shprehu mbështetjen e tij ndaj takave të së shoqes. Ai u mburr me Melanian dhe tha se ajo jeton për të ndihmuar të tjerët. Gjithashtu, ai tha se Melania është viktimë e kriticizmit të tepërt.
“Ajo do të duket mirë kur del nga Shtëpia e Bardhë për hir të respektit që ka për institucionin. Vishet mirë, mbath këpucë formale, taka të larta, dhe del nga Shtëpia e Bardhë për të shkuar në Teksas.” shpjegoi Trump.
Mesa duket, ditën e vizitës në Texas, ajo kishte atlete me vete dhe ishte gati të ndërrohej në këpucë më të rehatshme kur të vinte momenti për të parë pasojat e uraganit. /Anabel
