Futbollistët e Hertha Berlin kanë qëndruar në gjunjë në shenjë solidariteti me “yjet” e sportit në Amerikë, në prag të ndeshjes së kampionatit gjerman kundër Schalke, të shtunën pasdite.
E gjithë skuadra kryeqytetase qëndroi me duar të lidhura jashtë rrethit të mesfushës duke qëndruar në gjunjë, pak para fillimit të ndeshjes, ndërsa zëvendësuesit dhe stafi teknik e bënë të njëjtën gjë buzë fushës. Në një postim në rrjetin social “Twitter” në krah të fotografisë ishte shkruar: “Hertha Berlin qëndron në krah të tolerancës dhe përgjegjësisë.”
“Për një Berlin më tolerant dhe për një botë me mendje të hapur, tani dhe përgjithmonë! #TakeAKnee #hahohe’ Ky qëndrim është një mënyrë proteste që ka nisur nga futbollistët e NFL në SHBA kundër racizmit dhe ky veprim është kritikuar nga presidenti i Shteteve të Bashkuara të Amerikës, Donald Trump.
Në fundjavën e kaluar, zv.presidenti i SHBA, Mike Pence, u largua nga ndeshja mes Indianapolis Colts dhe San Francisco 49ers, pasi disa lojtarë të kësaj skuadre qëndruan në gjunjë gjatë ekzekutimit të himnit kombëtar të SHBA.
Kuh nuk rrespekton flamurin dhe hymnin kombetar,nuk meriton te shikohet……………e thjeshte……….