Simpatizantët rrethojnë Tahirin, “të marrshin të ligat”

Pas daljes nga Kryesia e Kuvendit në të cilën u shqyrtua kërkesa e Prokurorisë për heqjen e imunitetit të tij,deputeti Saimir Tahiri është pritur me brohërima nga dhjetëra njerëz e simpatizantë të tij.

Qytetarët kanë dalë në mbështetje të ish ministrit, ndërsa një e moshuar i është hedhur në qafë ish ministrit dhe i ka thënë se është shtruar në spital për atë.

“Saimir Tahiri, Sajmir Tahiri. Mos u mërzit të keqen nëna. Jam shtruar në spital për ty. I hëngrët kanceri ata. Do të mbrojmë ne ty, cke ti. Ec përpara dhe mos ndalo. Të marrshin të ligat, nuk kanë çfarë të të bëjnë”- brohorisnin qytetarët.