Në rrjet kanë rrjedhur disa foto që tregojnë se si do të jetë topi zyrtar i Kampionatit Botëror të Futbollit 2018 që do të zhvillohet në Rusi nga 14 qershor deri më 15 korrik.
“Footy Headlines” ka publikuar pamjen e Adidas Telstar 18.
Mesa duket topi është frymëzuar nga një model që kompania gjermane prodhoi në fund të viteve ‘60. Në fakt “Telstar” ishte topi i parë që Adidas prodhoi për FIFA-n.
Prezantimi zyrtar i topit do të bëhet më 9 nëntor. /DITA

