Kryeministri Edi Rama ka qenë aktiv që në orët e para të dites së sotme në rrjetin social “Facebook” ku i ka uruar ndjekësve një ditë të mbarë me pamje nga aksioni kombëtar.
Ky aksion është ndërmarr prej 4 javësh për heqjen e tabelave dhe objekteve të paligjshme nga akset rrugore.
Rama shprehet se këto objekte cenojnë jetën e qytetareve.
“Mirëmëngjes, dhe me këto foto të Aksionit Kombëtar – që vijon tanimë prej 4 javësh – për pastrimin e të gjitha nyjeve dhe akseve rrugore nga teneqet, llamarinat, gomat dhe ngrehinat e vendosura anëve në kundërshtim me Kodin Rrugor duke cënuar jetën e qytetarëve, ju uroj një ditë të mbarë”, shkruan Rama./ dita.
