Ish-kreu i SHISH aplikoi për punë të re në NATO

Dorëheqja e Visho Ajazit nga drejtimi Shërbimit Informativ Kombëtar u cilësua si e papritur, fakt të cilin e konfirmoi
edhe vetë presidenti republikës Ilir Meta.

Demokratët u shprehën se Ajazi u largua, pas disa presioneve që lidheshin
me përgjimet e njerëzve të lidhur me Habilajt dhe kryeministrin Edi Rama.

Por mësohet se ai disa muaj më parë ka aplikuar për një vend të ri pune pranë NATO-s në rolin e këshilltarit.

Vendi vakant ishte shpallur në faqen online të NATO-s, nga ku ka patur një numër aplikantësh të cilët u përfshinë në një konkurs. Visho Ajazi nuk ka rezultuar fitues pasi pikët maksimale janë fituar nga një ekspert i çështjeve të sigurisë, shtetas i Bashkimit Europian.