Pas miratimit të tre ligjeve, krahas kartolinave, urimeve, tortave, në mjediset e Kryesisë së Kuvendit, u paraqit nipi i Gim Salës, (budallait të famshëm) me një arkë me zilka të vogla, të bukura, si ato të pemëve të Vitit të ri.
– Merri, – i tha ushtarit, – janë dhuratë për ata që votuan tre ligjet.
Ushtari ia dha oficerit. Ai i numëroi dhe pa që ishin plot 139.
– Po një? – tha.
– Atë më të madhe, ia dërguam veçmas të Madhit. Pasi e falënderoi, e pyeti ku i kish marrë.
– Në një Muze të Francës. Franca zemërmadhe, e di ti.
– Po, për çfarë përdoreshin? – U shty kureshtja.
– Nuk e di? – erdhi përgjigjja. – Si ka mundësi, je edhe oficer?!
– Epo, ja që s’e di.
– Këto mor vëlla, ua varnin në qafë lebrozëve që njerëzit sa t’i dëgjonin, të largohesin me vrap, mos merrnin infeksion.
– Domethënë që këta tanët… – u murrëtye oficeri.
Po, ndërkohë, postieri qe larguar me vrap.
Email nga adresa: [email protected]