Vlen hashashi ynë, më shumë se floriri!

Sot bilbil gjyzari,

me këngë na ka zgjuar,

se kishte ca kohë,

që nuk kish kënduar!

 

Nisi sa u shuan,

gjithë zërat e natës,

bilbili këndon,

sipas situatës!

 

Mundet të dëgjojë,

dhjetra thashetheme,

po bilbili vetë,

s’thotë lajme të rreme!

 

Atë s’e ndikojnë,

kampet politike,

di ta kuptojë vetë,

një gjendje kritike!

 

E kupton pse ka,

surrate të nxira,

kur për ne Brukseli,

thotë fjalë të mira!

 

Fjalë që e nxjerrin,

Lulin si idiot,

ndaj bilbil’ i vogël,

qan e qesh me lot!

 

Lulashi po shkruan,

traktat për partinë:

“Rreziku i Brukselit,

përmbi Shqipërinë!”

 

Bilbili e nxit,

shkruaj-Luli-shkruaj,

se Rama tani,

ka blerë çdo të huaj!

 

Shkruaj-Luli-shkruaj,

pa t’u dridhur syri,

vlen hashashi ynë,

më shumë se floriri!

 

Shkruaj Nastradin,

ta mësojë Bota,

një rrënjë hashashi,

vlen njëqind lingota!

 

Sa njëqind lingota,

lingota prej ari,

nga ky lloj mademi,

u fundos dollari!

 

U fundos dollari,

e mbyti lingota,

u blenë pa problem,

qindra-mijëra vota!

 

Hashashi u fut,

në rezervë të shtetit,

si një zë i fshehur,

i mega-buxhetit!

 

Rama ka rezerva,

edhe për tre vjet,

që do pasqyrohen,

çdo vit në buxhet!

 

Rezervës çdo vit,

do t’i rritet vlera,

saqë do të blihen,

dhe zgjedhjet e tjera!

 

Noc Rrokun do kapi,

Shtëpia Qendrore,

në zgjedhjet lokale,

edhe kuvendore!

 

Ndaj ka vënë kujën,

Luli shkretëtira,

se hashashi i Ramës,

prapë do bëjë çudira!

 

Se hashashi i Ramës,

do bëjë mrekullinë,

do të korruptojë,

edhe FBI-në!

 

Bota nuk ka zëra,

pro shokut Lulash,

sepse i ka blerë,

Rama me hashash!

 

Gjatë do rrinë në çadër,

Mona me Lulashin,

sa Rama të ketë,

aleat hashashin!

A. Duka