Pasardhësit e Esat Toptanit dhe Ahmet Zogut janë në Shtëpinë Qendrore!

Tani që për Markun,
votimi u krye,
thamë se do të kishim,
ditë qetësie!

Dhe ditët në fakt,
janë goxha të qeta,
po shumë deklarata,
hidhen si raketa!

Duket kemi hyrë,
në faza finale,
LSI afron,
zgjidhje radikale!

Mona dhe Petriti,
për zgjidhjet mendon,
dhe vrasja e Ramës,
është një opsion!

Nga toni mendohet,
se do bëjnë namin,
po ç’lidhje ka Rama,
me Esat Toptanin?!

Esati që shiti,
trojet arbërore,
pasardhësit i ka,
në Shtëpinë Qëndrore!

Duket që për brirësh,
e kanë kapur demin,
dhe ç’ne LSI-ja,
me Avni Rustemin?!

Dimë që LSI-ja,
nuk e mban sekret,
dashurinë e madhe,
për Fron e për Mbret!

Po dimë gjithashtu,
që mbreti barbar,
Tribunin Avni,
në pritë e ka vrarë!

Mundet që ta quajmë,
ironi të fatit,
që qe mbret Zogolli,
nipi i Esatit!

Janë Luli dhe Sala,
pasardhësit e vet,
që i falën grekut,
gjithë atë det!

Nëse Titi ka,
një Avni Rustem:
“Rregullu shënjestrën!”,
seriozisht i them!

Këta falën detin,
trojet-mbret legeni,
ndaj duhet që Ramës,
jetën t’ja kurseni!

Nga këto zullume,
Rama nuk ka bërë,
ndaj plumbi i Avniut,
nuk ka pse ta zërë!

Thirrjet histerike,
ne s’i vlerësojmë,
po ndonjë të krisur,
mund ta frymëzojné!

Mund të derdhet gjak,
fiks në Shënëndre,
ndaj gojës së shkretë,
vini pakaz fre!

Bluaje dhjetë herë,
pasaj fjalën thuaj,
se dhe trim Avniu,
s’është i sojit tuaj!

S’është i sojit tuaj,
xhan-more Petrit,
dhe në gojën tuaj,
ai emër s’ngjit!

Arben Duka