Një i mitur ka gjetur vdekjen pasi ka rënë në pusin e mbushur me ujë pranë banesës, njofton policia e Matit.
Burimet policore bëjnë me dije se i mituri me iniciale L.K, rreth 4 vjeç, banues në fshatin Plan i Bardhë, Klos, rreth orës 15:30, ka dalë nga banesa dhe duke luajtur dyshohet se ka rënë në pusin e mbushur me ujë në oborrin e shtëpisë dhe për pasojë ka humbur jetën.
Trupi i të miturit është konstatuar nga familjarët mbrëmjen e djeshme rreth orës 18.30.
Paraprakisht dyshohet si ngjarje aksidentale, ndërsa grupi hetimor vijon hetimet për zbardhjen e plotë të rrethanave të ngjarjes.