Një artiste në Francë përdor një material të pazakontë për krijimet e saj: pjesën prej kartoni ku mbështillet letra higjenike. Duke përdorur një mjet me majë të mprehtë, Anastasia Elias gdhend brenda cilindrit prej kartoni skena nga më të ndryshmet. Ajo është piktore dhe ilustruese prej vitesh, por e ka lënë paksa mënjanë profesionin e vjetër, për këtë pasion të ri, duke krijuar një libër me 42 faqe që ua ka kushtuar krijimeve të saj me karton.
