Një 50-vjeçar është vrarë këtë të enjte në Librazhd.
Ngjarja e rëndë ka ndodhur në fshatin Zdrajsh, ku ka humbur jetën Idriz Byci, 50 vjeç, pasi është goditur me sopatë.
Burime nga policia bëjnë të ditur se autor i ngjarjes së rëndë është Fiqiri Askurti 50 vjeç, i cili mësohet se pas krimit është larguar menjëherë nga vendngjarja.
Deri më tani janë ende të paqarta rrethanat e ngjarjes, teksa dyshohet të ketë qenë një konflikt i momentit mes dy të lartpërmendurve.
Ndërkohë policia ka mbërritur në vendin e ngjarjes dhe ka nisur menjëherë punën për kapjen e autorit dhe zbardhjen e rrethanave të krimit të rëndë.
Njoftimi i policisë:
Librazhd
Informacion Paraprak
Më datë 25.01.2018 në sallën operative Librazhd ka ardhur një telefonatë se në fshatin Zdrajsh një shtetas është vrarë me sende të forta (sopatë).
Shërbimet e policisë menjëherë kanë shkuar në vendngjarje dhe nga veprimet e para hetimore konstatuan se;
Në fshatin Zdrajsh Librazhd shtetasi Idriz Byci rreth 50 vjeç i cili kishte qenë duke pastruar rrugën në këtë fshat dyshohet të jetë vrarë me sende të forta (sopatë) nga shtetasi F. A., rreth 50 vjeç që dyshohet të jetë i sëmurë mendorë
Policia po punon për sqarimin e plotë të rrethanave të ngjarjes dhe kapjen e autorit.