Shërbimi për Cështjet e Brendshme dhe Ankesat (SHÇBA) arreston nje punonjës policie në Durrës për shpërdorim detyre.
SHÇBA ekzekutoi vendimin e Gjykatës së Durrësit për punonjësin e policisë Muharrem Haka, 57 vjeç, me detyrë inspektor policie (SPZ) në Komisariatin e Policisë Durrës.
Gjykata ka caktuar për Hakën masën e sigurisë “Arrest me burg” për veprat penale “Shpërdorim të detyrës” dhe “Korrupsion pasiv”.
Mbi bazën e hetimeve është dokumentuar se inspektori i policisë, duke shpërdoruar detyrën, përfitonte shuma parash dhe lejonte ndërtime pa leje në zonën e mbuluar prej tij.
Çështja penale është ndjekur pas një referimi të bërë nga SHÇBA në Prokurori dhe hetimit disa mujor me mjete speciale.
Hetimet ndërkohë vijojnë.
s.a/dita