Agjencia amerikane që merret me kërkesat për lejen e qëndrimit dhe shtetësinë amerikane, që nga kjo javë nuk u referohet më Shteteve të Bashkuara si “vend imigrantësh” në deklaratën e misionit të saj.
Ky ndryshim shkaktoi reagim në Uashington.
Deklarata e rishikuar për të cilën u njoftua fillimisht të enjten, u përmend në një letër nga Drejtori i Shërbimeve të Shtetësisë amerikane si një ndryshim për punonjësit e agjencisë që duhet të “na udhëzojë në vitet në vazhdim”.
Deri të mërkurën, fillimi i deklaratës së misionit të Shërbimeve të Imigracionit ishte:
“Shërbimet e Shtetësisë dhe Imigracionit Amerikan, garanton premtimin e Amerikës si një vend imigrantësh, duke u dhënë informacion të saktë dhe të dobishëm për klientët tanë, duke miratuar shërbime imigracioni dhe shtetësie, duke inkurajuar ndërgjegjësimin dhe të kuptuarin e shtetësisë dhe duke siguruar integritetin e sistemit të imigracionit”.
Në deklaratën e rishikuar thuhet:
“Shërbimet e Shtetësisë dhe Imigracionit Amerikan administron sistemin e ligjshëm të imigracionit të vendit, duke ruajtur integritetin premtimin e tij, duke i shqyrtuar kërkesat për shërbime imigracioni në mënyrë efektive dhe të drejtë, duke mbrojtur njëkohësisht amerikanët, atdheun dhe duke nderuar vlerat tona”.
Agjencia thotë se formulimi i ri është bërë nga drejtori L. Francis Cissna, i cili tha se ky lloj formulimi përcakton qartë rolin e agjencisë dhe bën të ditur se kujt i shërben.
Presidenti Donald Trump erdhi në detyrë me një platformë ndryshimesh intensive në sistemin amerikan të imigracionit. Vitin e fundit, administrata e tij ka marrë disa vendime që kanë sjellë ndryshime tek grupet që u lejohet të hyjnë në vend.
Senatori Dick Durbin, demokrati i dytë më me peshë në Senat, reagoi me një mesazh në Twitter:
“Administrata e Presidentit Trump mund të ndryshojë deklaratën e një misioni por nuk mund të ndryshojë historinë tonë dhe ne nuk do t’i lejojmë të ndryshojnë të ardhmen tonë: ne jemi dhe do të jemi gjithmonë një vend imigrantësh”.
s.a / dita
USCIS eshte thjesht nje Agjensi qe zbaton politika. Ndryshimi i nje fjalie tek misioni i Agjensise nuk perben ndryshim ligji. Qe te ndryshohet ligji emigrimit si per DV ashtu dhe per chain immigration duhet te kaloi ne Senat e pastaj ne Kongren, gjithashtu duhet votuar ne menyre bipartizane. Duke pare dhe si po i shkojne punet administrates Trump nuk besoj se kjo do te ndodhi ne kohen e aferme.