Pak orë më parë u njoftua se Amir Abrashi ka pësuar këputje ligamenti dhe rrezikon një ‘stop’ 6 mujor, duke i hequr kështu mundësinë Christian Panucci-t për ndeshjen miqësore të 26 marsit kundër Norvegjisë.
Tre ditë përpara se të shpallet lista përfundimtare me futbollistët e grumbulluar, trajneri italian i kombëtares shqiptare rrezikon të humbasë edhe një tjetër lojtar. Bëhet fjalë për mbrojtësin Fredrik Veseli.
Në ndeshjen e fundit që Empoli luajti kundër Virtues, Entella 25-vjeçari ka pësuar një dëmtim, që sjell rrjedhimisht mungesën e tij në fundjavë kundër Venecia-s.
Sipas mediave italiane Veseli rrezikon edhe ndeshjen miqësore mes Shqipërisë dhe Norvegjisë.
Qendra mjekësore e Empolit, Monteboro, ka njoftuar se mbrojtësi kuqezi është paraqitur gjatë ditës së sotme dhe pas diagnostikimit të një dëmtimi muskulor në kofshën e majtë, ai ka nisur terapinë, që të shërohet sa më shpejt.
s.a/dita